K�ttarar.net

K�ttarar.net h�ttir

Mon, 05 Jul 2010 23:22:48 GMT

Nú er komið svo að vegna lítillar umferðar, og lítilla skrifa á Köttarar.net hefur verið ákveðið að loka síðunni. Síðan hefur verið starfandi í rúmlega tvö ár, og mikið hefur breyst síðan síðan opnaði fyrst. Í fyrstu voru oft miklar og kröftugar umræður á síðunni, en það fór að minnka eftir því sem lengra leið. Undir restina var svo komið að flettingar á síðunni höfðu minnkað töluvert, og mjög litlar umræður og fá komment komu inn á síðuna.

Þess vegna höfum við ákveðið að loka síðunni, og framvegis munum við skrifa um leikina inni á Þróttarasíðunni. Köttarar fá svo fljótlega sér dálk inni á Þróttur.is, og munum við reyna að vera duglegir að uppfæra það.

Köttarar.net þakkar samstarfið á síðustu árum, og við vonum að þið verðið dugleg að kíkja á Þróttarasíðuna, og opna á ykkur munninn þar, og tjá ykkur um það sem þar fer fram.

Með Köttarakveðju.

LIFI ÞRÓTTUR!!!

Tap gegn Leikni � virkilega d�prum leik

Mon, 07 Jun 2010 23:27:22 GMT

Ágætis veður var í Laugardalnum í kvöld þegar leiknismenn kom í heimsókn. Lið Þróttar var þannig skipað að Halli var í markinu, með þá Eystein, Ingvar, Dusan og Birki fyrir framan sig. Á miðjunni voru Hallur og Mummi, Höddi og Oddur voru á köntunum og Hjörvar var fremstur með Dóra rétt fyrir aftan sig.

Leikurinn byrjaði ágætlega, og Mummi komst einn í gegn eftir um 10 mínútna leik, eftir gott samspil í gegn um vörn Leiknismanna. Mummi náði skotinu sem endaði rétt framhjá. Ekki gerðist mikið á vellinum eftir þetta, nokkur hálffæri, en ekkert sem vert er að tala um. Mikil barátta á miðjunni, og lítið af færum. Liðin fóru því jöfn inn í búningsklefa í hálfleiknum með stöðuna 0-0.

H�rra fyrir �sa Haralds!

Thu, 03 Jun 2010 22:55:49 GMT

Ásmundur Haraldsson, fyrrum Þróttari og nú þjálfari Gróttu sýndi drenglyndi mikið í kvöld í kjölfar fyrsta mark leiksins. Stormsentir Gróttumanna skoraði þá glæsilegt mark eftir mikinn einleik gegn ráðvilltum varnarmönnum Þróttar sem áttu alls ekki von á þessum tilþrifum drengsins. Skömmu áður lá piltur í grasinu og Þróttur var með boltann. Dómarinn stöðvaði þá leikinn og þegar hann lét knöttinn falla í jörð í dómarakasti tók fyrrnefndur miðherji sig til og sýndi líka þessi gríðarlegu tilþrif. Undrunarsvipur Þróttara, dómarans og ekki síst samherja hans í Gróttu höfðu engin áhrif og eftir gott skot hans var staðan 0-1. Stuðningsmenn Gróttu fögnuðu markinu ekki og það gerðu félagar sökudólgsins inni á vellinum ekki heldur. Eysteinn Pétur trompaðist og uppskar gult spjald. Algjör farsi á vellinum; segi og skrifa. Og þá gerðist það. Eitt fallegasta atvik íslenskrar knattspyrnusögu! Ásmundur Haraldsson kom hlaupandi að hliðarlínunni og gaf Gróttumönnum fyrirmæli. Þegar Þróttur tók miðjuna færðu Seltirningar sig frá og buðu Halldóri Hilmissyni að hlaupa upp miðjan völlinn og meira að segja markvörðurinn lét sig hverfa þannig að Dóri gat rennt boltanum í netið án þess að nokkur reyndi að stöðva hann, 1-1 og þar með lauk þessu gamanleikriti. Áhorfendur felldu tár og klöppuðu Gróttumönnum og þjálfara þeirr lof í lófa fyrir drenglyndið mikla. Skömmu síðar var flautað til leikhlés. Þróttarar voru mun sterkari í fyrri hálfleiknum en gekk illa að komast í dauðafæri. Hinsvegar áttu Gróttumenn þrjú dauðafæri í sömu sókninni þegar leikurinn var nýhafinn en Haraldur markvörður varði allt sem á markið kom. Í síðari hálfleik komu heimamenn tvíefldiir til leiks og þegar um hálftími var eftir skoraði Andrés Vilhjálmsson frábært mark með skoti fyrir utan vítateig sem hafnaði í þverslánni og þaðan skaust boltinn inn fyrir marklínuna, 2-1. Tíu mínútum fyrir leikslok átti svo varamaðurinn, Oddur Björnsson, afbragðsgóða fyrirgjöf og Halldór Hilmisson renndi sér í knöttinn sem endaði í markinu, 3-1 og þetta urðu lokatölur leiksins. Þróttur var sterkari aðilinn í skemmtilegum leik en Gróttumenn eru með lipra menn inn á milli og áttu eitt frábært skot sem stefndi í mark Þróttar en enn og aftur sýndi Haraldur mátt sinn og megin og varði skotið alveg út við stöng. Hvalreki á okkar fjörur. Ingvar Ólason var í vörninni í stað Helga P sem þurfti til útlanda og átti Ingvar frábæran leik og kom með mikla yfirvegun í liðið.
Maður leiksins: Ásmundur Haraldsson, þjálfari Gróttu.

Sl�mt tap gegn Fj�lni

Sat, 29 May 2010 12:08:13 GMT

Þetta verður ekki langur pistill, enda mun leiðinlegra að skrifa um tapleiki en þá sem vinnast. Þróttur fór sneypuför í Grafarvoginn og laut í lægra haldi gegn ungu og frísku Fjölnisliði, 0-3. Það er hægt að draga þetta saman í nokkrar setningar; vörnin vissi ekki hvort hún var að koma eða fara og sóknarmenn nýttu ekki dauðafæri, því fór sem fór. Fjölnisliðið var mun frískara og ákafara en Þróttarliðið. Skásti maður okkar var Hallur sem barðist að vanda eins og grenjandi ljón. Næsti leikur er gegn Gróttu í bikarnum og nú er spurning hvort Ingvar Ólason verði settur í miðvörðinn eftir slaka frammistöðu turnanna tveggja í gærkvöldi. Þessi leikur sýndi einfaldlega og sannaði að það er ekkert gefið í 1.deildinni enda sýnir staðan það stigataflan það. Við treystum á að okkar menn rísi upp í næstu leikjum og sýni betri takta en í Grafarvoginum í gær.

Leikur gegn Fj�lni � kv�ld

Fri, 28 May 2010 15:06:01 GMT

Þá er komið að næsta leik í deildinni. Þetta er 4. umferðin sem Þróttarar spila, og eftir tap í fyrstu umferðinn gegn HK hafa strákarnir náð að landa tveimur flottum sigrum, gegn HK og Fjarðarbyggð. Leikurinn í kvöld er gegn Fjölni, í Grafarvoginum. Leikurinn hefst klukkan 20:00. Leikir þessara liða í gegnum árin hafa oftast verið mögnuð skemmtun, og nóg af spjöldum, mörkum og umdeildum atvikum. Við hvetjum því alla til að mæta í Grafarvoginn í kvöld og hvetja strákana gegn Fjölnismönnum.

Liklegt byrjunarlið Þróttar:

----------------Halli
Eysteinn-Dusan-Helgi-Ingvi
--------Hallur----Mummi
Höddi----------------------Guffi
--------------Dóri
Drési

Það er annars helst að frétta af liðinu að allir eru að verða heilir, og til í slaginn. Elli Jack er að verða góður af bakmeiðslunum sem hann hlaut gegn HK. Oddur Börns er orðinn góður af sínum meiðslum, Ingvar er heill, og þá er stórvinur okkar Birkir Pálsson farinn að sparka á fullu eftir erfið meiðsli.

Tökum nú á þessu í kvöld, og slátrum þessum Fjölnismönnum.

LIFI ÞRÓTTUR!!!

Sanngjarn sigur og sambabolti

Sat, 22 May 2010 20:57:52 GMT

Meistaraflokkur karla tók á móti leikmönnum Fjarðarbyggð í blíðskaparveðri í Laugardalnum ekki löngu eftir hádegið í dag. Páll Einars stillti upp sókndjörfu liði í leikkerfinu 4-4-2. Halli var í markinu, Eysteinn og Ingvi bakverðir, Dusan og Helgi P í miðvörðunum. Á miðjunni voru þeir Hallur og Mummi,kantmenn voru Guffi og Höddi B. Miðherjarnir voru svo Dóri Hilmis og Drési Vill. Það er skemmst frá því að segja að fyrri hálfleikur var leikur kattarins að músinni og þegar flautað var til leikhlés var staðan 2-0, Þrótti í vil og voru það þeir Dóri og Drési sem gerðu mörkin eftir vel útfærðar sóknir. Boltinn flaut vel manna á milli í fyrri hálfleiknum og Hallur var eins og golfbíll í fjórða gír út um allan völl og var yfirburðamaður þessar 45 mínútur.

Fyrsti leikur � bikarnum � kv�ld

Wed, 19 May 2010 09:32:28 GMT

Þróttarar hefja leik í Visa bikarnum í kvöld. Leikurinn er gegn Álftanesi, og fer hann fram á Bessastaðavelli. Leikurinn hefst kl.19. Við hvetjum að sjálfsögðu alla til að mæta á völlinn og horfa á strákana leika fyrsta bikarleik sumarsins.

LIFI ÞRÓTTUR!!!

Fyrsti sigur sumarsins gegn HK

Fri, 14 May 2010 22:52:53 GMT

Þróttarar mættu í Kópavoginn í kvöld, og spiluðu gegn HK á Kópavogsvelli. Aðstæður voru allar hinar bestu, völlurinn flottur og sólin skein. Þróttarar stilltu liðinu upp þannig að Halli stóð í markinu, Eysteinn og Ingvi voru bakverðir, og Dusan og Helgi Pétur í hjarta varnarinnar. Hallur og Elli voru á miðjunni og Guffi og Oddur Björns á köntunum. Frammi voru svo Mummi og Drési. Inná sem varamenn komu Villi, Hjörvar og Runólfur fyrir Guffa, Ella og Eystein.

Eftir 6 mínútna leik kom Hörður Magnússon boltanum í mark Þróttara, en markið var flautað af vegna rangstöðu. Hárréttur dómur. Leikurinn var frekar bragðdaufur framan af, og lítið í gangi. HK voru þó ívið sterkari aðilinn, og Þróttarar virtust ekki mæta alveg tilbúnir til leiksins. Undir lok hálfleiksins fengu HK-menn aukaspyrnu fyrir utan teiginn. Ásgrímur Albertsson fyrirliði HK manna tók spyrnuna sem fór af varnarmanni Þróttar, en við náðum að bjarga á línu.

Tap � fyrsta leik gegn KA

Sun, 09 May 2010 17:23:47 GMT

Þróttarar tóku á móti KA í sól og blíðu á gervigrasinu í Laugardal í dag. Leikurinn hófst klukkan 14:00 í kjölfar skemmtidagskrár sem byrjaði í hádeginu.

Lið Þróttar var þannig skipað að Haraldur Björnsson stóð í markinu, Ingvi og Runólfur voru bakverðir og Helgi Pétur og Dusan stóðu í miðri vörninni. Elli og Hallur voru á miðjunni. Höddi og Drési á köntunum og Dóri var svo fyrir aftan Muamer sem byrjaði í fremstu víglínu. Mikil barátta var fyrstu mínúturnar og menn voru svolítið órólegir á boltanum. Lítið gerðist þó markvert fyrr en á 11.mínútu, en þá átti Muamer glæsilegt skut fyrir utan teig sem endaði í þverslánni.

KA menn voru svo sterkari það sem eftir lifði hálfleiksins, fengu meðal annars níu hornspynur, án þess þó að skapa sér mikið af dauðafærum. Staðan var því 0-0 þegar leikmenn gengu til búningsklefa.

Upphitun fyrir m�t

Thu, 06 May 2010 14:31:19 GMT

Þá er stutt í að 1.deildin hefjist. Fyrsti leikur okkar er á sunnudaginn þegar KA koma í heimsókn á Valbjarnavöllinn. Lið Þróttar er mikið breytt frá síðasta tímabili, og þar að auki með nýjan þjálfara í brúnni. Við höfum misst tólf leikmenn frá okkur, og þetta voru allt leikmenn sem voru í og við byrjunarliðið hjá okkur.

Farnir:

Dennis Danry fór í Stjörnuna
Haukur Páll fór í Val
Rabbi fór í Blika
Jón Ragnar fór í FH
Maggi Lú fór til Hödd í Noregi
Doddi fór til HB í Færeyjum
Kristján Ómar fór til Hauka
Oddur Ingi fór í Fylki
Sam Malsom sneri aftur til Englands
Morten fót til Danmerkur
Henrik Bödker fór
Hafþór Ægir sneri aftur til Vals, þaðan sem hann var á láni.

�fingaleikur gegn Val

Tue, 04 May 2010 13:52:49 GMT

Þá er komið að síðasta æfingaleik liðsins fyrir mót. Valsmenn ætla að kíkja í heimsókn í dalinn klukkan 17:00. Þetta verður væntanlega síðasta tækifærið til að sjá liðið í action fyrir mótið sem hefst sunnudaginn 9. Maí með leik gegn KA í Laugardalnum.

Nokkrir nýjir leikmenn hafa verið að æfa með liðinu undanfarið, þar á meðal Stefán Eyjólfsson, sem hefur spilað með Hetti á Egilsstöðum. Þá hefur Guðfinnur Þórir Ómarsson, eða Guffi, sem allir Þróttarar ættu að þekkja, ákveðið að snúa heim í dalinn. Síðast en ekki síst fengum við markvörðinn Harald Björnsson á láni frá Val, en hann þykir mjög flinkur í búrinu.

Þá eru stelpurnar okkar í meistaraflokknum komnar í Úrslitaleik C-Riðils í Lengjubikarnum. Þær taka á móti Völsungi á gervigrasinu okkar á laugardaginn kl.12. Stelpurnar hafa spilað vel í lengjubikarnum í ár, og fá nú tækifæri á að spila til úrslita. Mætið endilega og sýnið þeim stuðning.

Látið endilega sjá ykkur á gervigrasinu seinnipartinn í dag og svo aftur á laugardaginn. Einnig minnum við á leikmannakynninguna sem fer fram á föstudaginn.

LIFI ÞRÓTTUR!!!

Leikmannakynning �r�ttar, F�studaginn 7. Ma�

Sat, 01 May 2010 23:03:42 GMT

Þá er komið að hinni árlegu leikmannakynningu Þróttar. Kynningin verður haldin í félagsheimilinu, föstudaginn 7.Maí, húsið opnar klukkan 20:00, og kynningin hefst stundvíslega klukkan 20:30. Þarna verða kynntir leikmenn meistaraflokka karla og kvenna, þjálfarnir halda ræðu, stuðningsmenn geta stillt saman strengi sína fyrir sumarið og góður gestur mætir á svæðið og talar um sumarið.

Við hverjum alla Þróttara til að mæta og hafa gaman með okkur og kíkja á nýja og gamla leikmenn fyrir sumarið.

LIFI ÞRÓTTUR!!!

�fingaleikur gegn Grindav�k

Thu, 29 Apr 2010 07:56:09 GMT

Þróttarar leika æfingaleik gegn Grindvíkingum í kvöld. Leikurinn hefst klukkan 18:00 á gervigrasinu í Laugardal. Nú er stutt í mót, og hópurinn nálægt því að vera fullmannaður. Þetta er því væntanlega eitt af síðustu tækifærunum til að sjá strákana spila áður en fyrsti leikur fer fram, þann 9. Maí. Vonandi verður hægt að sjá eitthvað af nýjustu leikmönnunum, þeim Guffa og Haraldi Björnssyni, sem kom í gær, á láni frá Val. Ég geri ekki ráð fyrir að fólk nenni að sitja heima og glápa á úrslitaleikinn í íslenska körfuboltanum, eða horfa á Liverpool spila um varabikar Evrópu, þannig að þá er tilvalið að skella sér í dalinn, og sjá Þrótt taka á móti Grindvíkingum.

LIFI ÞRÓTTUR!!!!

Enn styrkist h�purinn !

Wed, 28 Apr 2010 11:01:03 GMT

Haraldur Björnsson, markvörður úr Val, hefur verið lánaður til Þróttar en hann hefur barist við Kjartan Sturluson um sæti í byrjunarliði Hlíðarendaliðsins. Þetta eru góðar fréttir enda Haraldur góður markvörður með töluverða reynslu þrátt fyrir að vera rétt um tvítugt. Hann var á mála hjá Hearts í Skotlandi um fjögurra ára skeið og er í dag aðalmarkvörður okkar frábæra U-21 árs landsliðs. Þessu til viðbótar má koma fram að Guðfinnur Þórir Ómarsson er á leið til félagsins eftir að hafa leikið með ÍR s.l. 3 ár. Loks hefur fyrirliði Hattar á Egilsstöðum, Stefán Eyjólfsson, æft með Þrótti að undanförnu og þykir lunkinn leikmaður. Fer ekki þá hópurinn að verða fullmannaður?

Sanngjarn sigur gegn Gr�ttu

Wed, 14 Apr 2010 23:17:48 GMT

Þróttur sigraði Gróttu sanngjarnt í síðasta leik okkar í Lengjubikarnum í kvöld. Leikurinn fór fram á hinu mjög svo nýlega gervigrasi í Laugardalnum. Leikurinn var tiltölulega nýbyrjaður þegar Sigurvin Ólafsson skoraði glæsilegt mark beint úr aukaspyrnu fyrir gestina. Áður en fyrri hálfleik lauk hafði Elli okkar Jack svarað fyrir oss með bylmingsskoti ekki langt frá marklínu andstæðinganna. Sýndi hann þar harðfylgi mikið. Staðan í hálfleik 1-1 og Þrótti gekk illa að ná taki á leiknum.
Í síðari hálfleik var allt annað að sjá til okkar manna sem náðu á köflum frábæru spili. Tvö falleg skallamörk litu dagsins ljós eftir fagrar sóknir. Hið fyrra gerði Hjöddi Hemm Hemm (þó ekki sonur Hemma Gunn Gunn) og hið síðara Höddi Bjarna (ekki sonur Bjarna Fel þó þeir séu vissulega nauðalíkir). Þegar staðan var 3-1 fyrir Þrótt voru líkur meiri en minni á að okkar menn löguðu markatöluna enn frekar. Þá tók Sigurvin Ólafsson upp á því að skora annað mark fyrir Gróttumenn og nú af 40 metra færi. Hann sá að Kjartan Páll markvörður Þróttar var framarlega í vítateignum og gerði sér lítið fyrir og tók líka þetta fína langskot yfir okkar mann og staðan skyndilega orðin 3-2 og allt í járnum. Seltirningar tvíefldust við þetta en að sama skapi sljákkaði heldur yfir mannskap Páls Einarssonar. Þetta urðu þó lokatölur og sigurinn var mjög sanngjarn. Fyrri hálfleikur var frekar ósannfærandi af hálfu Þróttar en sá síðari mjög frambærilegur fyrsta hálftímann. Þó verður að setja spurningamerki við þau ótal skipti sem sóknarmenn Þróttar misstu boltann við vítateig Gróttumanna þegar þeir ákváðu að reyna að leika á varnarmann í stað þess að gefa knöttinn á næsta mann. Palli hlýtur að láta drengina heyra það - trúi ekki öðru. Mummi kom inn á þegar skammt var eftir og fékk 2 ágætis færi en náði ekki að nýta þau. Sérstaka athygli vakti að Hallur Hallsson var á kantinum allan leikinn.

Leikur gegn Gr�ttu � Lengjubikarnum � kv�ld

Wed, 14 Apr 2010 17:15:10 GMT

Þróttur leikur síðasta leik sinn í Lengjubikarnum á þessu ári í kvöld. Andstæðingarnir verða bláklæddir af Seltjarnanesinu, Gróttumenn. Leikurinn fer fram á gervigrasi okkar Þróttara í Laugardalnum og hefst stundvíslega klukkan 20:00. Við hverjum alla til að kíkja á leikinn, og vonandi sjá strákana landa sigri. ÞEss má geta að Davíð Logi Gunnarsson hefur nú fengið leikheimild með liðinu, en hann er uppalinn Þróttari sem hefur spilað fyrir Gróttu undanfarin ár.

Sjáumst hress í kvöld.
LIFI ÞRÓTTUR!!!

Herrakv�ld �r�ttar

Thu, 08 Apr 2010 20:01:14 GMT

Næstkomandi föstudag, 9. apríl, verður hið árlega Herrakvöld Þróttar haldið í Þróttarheimilinu í Laugardal.

Veislustjóri kvöldsins er enginn annar en eðal-Þróttarinn Jón Ólafsson og mun hann stýra umferð gesta og gangandi. Ræðumaður kvöldsins er hinn geðþekki séra Bjarni Karlsson en auk hans mun Þróttarinn, tónlistarmaðurinn og „page 3 módelið“ Jón Ragnar Jónsson troða upp með tónlistaratriði. Auk þessara heiðursmanna munu Steinn Ármann og Ari Eldjárn spila á hláturtaugarnar
Þá mun tónlistarmaðurinn Toggi einnig stíga á stokk.

Inn á milli atriða verður svo happdrætti, treyjuuppboð og léttur matur á boðstólum. Klárlega dýrari týpan af prógrammi en miðaverði er engu að síður stillt í hóf, enda kostar miðinn eingöngu 3.000 kr.

Miðasala fer fram í Þróttarheimilinu, í síma 580 5900, eða með tölvupósti á eysteinn@trottur.is og ingvisveins@langholtsskoli.is

Gott er að tryggja sér miða í tíma.

Húsið opnar klukkan 20.00 og dagskráin byrjar skömmu síðar.
Nánari upplýsingar gefur Ingvi „Alves“ Sveinsson í síma 869-8228.

Sjáumst bullandi sprækir.

�fingaleikur gegn Val � kv�ld

Tue, 06 Apr 2010 11:46:51 GMT

Þessar fréttir fengust á www.fotbolti.net. Tökum þessu bara sem gefnu. Sumsé: Valur-Þróttur í Egilshöllinni kl.18.30 í kvöld fyrir þá sem nenna ekki að horfa á Barcelona-Arsenal.

Afleitur leikur � Vesturb�

Thu, 01 Apr 2010 17:57:39 GMT

Þróttur mætti ofjörlum sínum á öllum sviðum knattspyrnunnar í dag þegar þeir lágu 0-5 fyrir Knattspyrnufélagi Reykjavíkur.
Getumunur þessara félaga hefur ekki verið svona mikill í mörg ár og það var ekkert sérstaklega gaman að fylgjast með frammistöðu okkar manna í skítakuldanum í Vesturbænum. KR liðið er reyndar fáránlega vel mannað og ef það verður ekki Íslandsmeistari í sumar þá hlýtur það að teljast til skandals . Á sama tíma sigraði Leiknir úr Breiðholti lið Íslandsmeistara FH. Þetta segir okkur það að baráttan í 1.deildinni í sumar verður allt annað en auðveld og að við getum alveg eins átt von á því að strögla í neðri hlutanum. Það vakti athygli í dag að hinn hávaxni Dusan er genginn til liðs við Þrótt á nýjan leik og lék síðari hálfleikinn í miðri vörninni. Helgi Pétur Magnússon, Borgnesingurinn tindilfætti kom þá einnig inn á og er spennandi leikmaður. Það styttist í Íslandsmótið og nokkrir sterkir leikmenn voru fjarverandi þannig að auðvitað er langt í frá að öll nótt sé úti enn. Við leggum áfram traust okkar á Pál Einarsson og hans menn en kalt mat og raunsæi segir fréttaritara að best sé að halda bjartsýninni í lágmarki. Við þetta má bæta að Mummi Júggi og fyrrum Hvatarmaður kemur til landsins 13.apríl og verður gaman að sjá hvort sá miðherji er jafnsterkur og látið er af.
Gleðilega páska.

Herrakv�ld �r�ttar 9. Apr�l

Tue, 30 Mar 2010 12:30:09 GMT

Herrakvöld Þróttar
Föstudaginn 9.apríl

Hið árlega Herrakvöld Þróttar verður haldið föstudaginn 9. apríl næstkomandi í félagsheimili Þróttar. Það verður góð stemmning að vanda og virkilega flott dagskrá. Við hvetjum alla herramenn sem tengjast Þrótti á einhvern veg að taka kvöldið frá.

Miðinn kostar 3.000kr og verður hægt að nálgast hann niður í Þrótti (hjá Eysteini og Kobba) frá og með þriðjudeginum 30.mars, sem og hjá leikmönnum mfl. karla. (ingvi – 869-8228 - ingvisveins@langholtsskoli.is).

Veislustjóri verður Jón Ólafs. Þróttarauppboð verður á sínum stað, ræðumaður kvöldsins, skemmtiatriði frá Steini Ármanni og Ara Eldjárn, Toggi og Jón (Ragnar) Jónsson sjá um tónlistina, happdrætti o.fl. Samanlegt er þetta ávísun á frábæra skemmtun.

Cocktail veisluþjónusta sér svo um galdra fram dýrindisrétti.

Húsið opnar kl.20.00 og mun borðhald hefjast kl.20.30.

Mætum allir og fjölmennum á gott kvöld hjá mfl. karla í Þrótti og skemmtum okkur saman.

LIFI ÞRÓTTUR!

Enn tap

Thu, 25 Mar 2010 22:56:02 GMT

Í kvöld lágu meistaraflokksleikmenn Þróttar í knattspyrnu fyrir ÍR úr Breiðholti. Lokatölur urðu 3-4 fyrir þeim hvítklæddu. Og ekki nóg með það heldur skoraði Guffi, uppalin raketta í Þrótti, eitt marka ÍR-inga. Þetta Boot-Camp prógramm sem leikmenn okkar hafa verið í skilar vonandi árangri þegar Íslandsmótið hefst eftir 6 vikur. Árangurinn að undanförnu hefur ekki verið beysinn og að fá á sig 4-6 mörk í leik er auðvitað fyrir neðan allar Hellur og Hvolsvelli aukinheldur. Spurning hvort nýjasta reglan í knattspyrnuheiminum gæti gagnast okkur í sumar en hún hljóðar svona:

"Heimilt er liði að nota tvo markverði í einu nái samanlögð hæð þeirra ekki 2.50 metrum".

Nánari upplýsingar um tapið er að finna á www.fotbolti.net en undirritaður átti því miður ekki heimangengt í kveld og finnst sjálfum þessi pistill ákaflega sérstakur fyrir vikið.

Lifi Þróttur !

MottuMars

Mon, 15 Mar 2010 21:15:11 GMT

Drengirnir í meistaraflokki og þeir sem standa í kring um flokkinn hafa ákveðið að styrkja gott málefni og safna mottu í tilefni af átakinu Karlar og Krabbamein. Við hvetjum alla til að styðja drengina og heita á söfnunina hjá þeim. Smellið á tengilinn hér fyrir neðan til að færa ykkur á síðuna þeirra. Þar er hægt að sjá myndir og heita á strákana.

karlmennogkrabbamein.is/keppnin/keppandi

� � �

Fri, 12 Mar 2010 23:47:36 GMT

Eyjapeyjar rasskelltu Þrótt í kvöld með því að sigra 6-1. Undirritaður var ekki á staðnum ( sem betur fer kannski ) en veit ekki betur en jafnmargir leikmenn hafi verið í hvoru liði. Fyrir ekki svo löngu síðan völtuðu KR-ingar yfir okkur með álíka mun og síðastliðið sumar hlógu Stjörnumenn að okkur í tvígang með álíka stórsigrum. Mér segir svo hugur að verkefni Páls þjálfara sé ærið fyrir sumarið.

�r�ttur-�BV � kv�ld

Fri, 12 Mar 2010 12:11:45 GMT

Þróttur mætir Vestmanneyingum í Egilshöllinni í kvöld kl.21.00. Hér er ekki um æfingaleik að ræða heldur alvöru Lengjubikarsleik. Eyjamenn hafa verið að styrkja lið sitt og meðal annara sem gengið hafa til liðs við þá eru Tryggvi Guðmundsson og Ásgeir Aron Ásgeirsson (Sigurvinssonar). Gríðarlegar breytingar hafa orðið á liði okkar manna og ljóst að erfitt verkefni bíður Páls þjálfara að púsla saman heilsteyptu knattspyrnuliði til stórra afreka. Við treystum þó á hæfileika hans og meðreiðarsveinanna í þeim efnum. Þeir sem eru eingöngu með Ríkissjónvarpið geta valið á milli þess að horfa á mynd um flóðhest sem bandarísk fjölskylda ættleiðir og hefur sem gæludýr eða vippa sér í Egilshöllina og skoða þetta glænýja Þróttaralið.

Sindri kominn � gang � n�

Wed, 10 Mar 2010 14:34:05 GMT

Sindri Snær Jensson er byrjaður að æfa aftur og eru þeir því orðnir þrír sem berjast um markmannstöðuna í sumar. Andri Fannar og Kjartan Páll hafa skipst á að verja mark Þróttar í vetur og það verður gaman að sjá hver þessara manna stendur á milli stanganna þegar blásið verður til leiks í 1.deildinni.

Helgi P� � �r�tt

Wed, 24 Feb 2010 09:39:05 GMT

Framsóknarmaðurinn Helgi Pétur Magnússon hefur ákveðið að ganga til liðs við Þrótt. Ekki yfirgaf hann þó flokkinn sinn heldur Skagamenn, en með þeim hefur hann leikið frá árinu 2002, ýmist á miðju eða í vörn. Helgi er hörkuspilari og mun væntanlega fylla skarða Dodda sem er á leið til útlanda að bæta við en einni bókinni í bókaflokkinn um sjálfan sig (Doddabækurnar). Næsta bók heitir Doddi fer til Færeyja. En hvað Helga varðar skulum við vona að hann verði ekki dreifandi myndum af Sigmundi Gunnlaugssyni um allt hús heldur einbeiti sér að essunum þremur; skalla, skriðtækla og skora. Velkominn í Dalinn Helgi sem hér eftir verður kallaður Helgi Pé af Kötturunum.

Tveir leikmenn halda til �tlanda

Sun, 14 Feb 2010 20:57:14 GMT

Tveir leikmenn Þróttar hafa haldið á önnur mið, og ætla að reyna fyrir sér í útlöndum, það eru þeir Doddi og Maggi Lú sem hafa ákveðið að færa sig um set.

Doddi fer til Kristjáns Guðmundssonar, fyrrverandi þjálfara keflavíkur sem þjálfar lið HB í Færeyjum. Doddi lenti í meiðslum í fyrra, en hann spilaði 10 leiki í úrvalsdeildinni fyrir okkur á síðasta tímabili. Doddi kom til okkar frá Val fyrir tímabilið 2006, og hefur leikið 52 leiki fyrir okkur í deild og bikar síðan þá, og skorað 3 mörk.

Maggi Lú samdi við Hödd í Noregi. Hann fór þangað á dögunum og náði að næla sér í samning. Maggi kom frá KR árið 2005 og hefur spilað með Þrótti síðan þá, fyrir utan stutta ferð í vesturbæinn í byrjun síðasta tímabils. Frá árinu 2005 hefur Maggi spilað 85 leiki fyrir okkur í deild og bikar, og skorað 13 mörk.

Við óskum þeim félögum að sjálfsögðu góðs gengis hjá frændum okkar í Noregi og Færeyjum, og vonum að þeir komi aftur í Dalinn þegar þeir snúa aftur heim.

LIFI ÞRÓTTUR!!!

Ingvar �la or�inn r�nd�ttur � n�

Sat, 06 Feb 2010 13:55:56 GMT

Hinn atorkusami málari og knattspyrnumaður, Ingvar Ólason, hefur snúið til baka í herbúðir síns uppeldisfélags, Þróttar og skrifaði í morgun undir árssamning við félagið. Þetta eru ákaflega góð tíðindi. Ingvar var einn besti maður í sterku liði Fram síðastliðið sumar en hann hefur leikið í Safamýrardressinu síðustu tíu árin. Málarinn er hokinn af reynslu og auk þess að leika með liðinu verður hann aðstoðarþjálfari Páls Einarssonar. Ingvar getur leyst flestar stöður á vellinum og gott ef hann hefur ekki leikið þær allar á ferlinum, meira að segja í markinu. Vertu velkominn heim Ingvar!

Leiki� gegn �R � kveld kl. 19.15

Thu, 04 Feb 2010 14:38:20 GMT

Þriðji leikurinn í Reykjavíkurmótinu fer fram í kvöld í Egilshöllinni. Þróttur og ÍR mætast á teppinu. Þar munu kljást þeir fóstbræður Elli Jack (Þrótti) og Guffi Black (ÍR). Síðasti leikur Þróttar var víst helber skelfing enda varð stórtap gegn KR staðreynd, 1-6. Það verður fróðlegt að sjá hvort búið sé að stoppa í götin í vörninni. Leikurinn hefst kl. 19.15 eins og segir í fyrirsögninni.

Dramat�k og l�leg d�mg�sla gegn Val

Sat, 23 Jan 2010 17:55:04 GMT

Þróttarar tóku á móti Val í Egilshöllinni í dag. Lið Þróttar var þannig skipað að Kjartan var í markinu, Birkir, Ingvi, Eysteinn og Doddi í vörninni, Hallur, Elli og Dóri á miðjunni. Maggi og Höddi Bjarna á köntunum, og Hjörvar frammi. Haukur Páll var ekki í liði vals þar sem hann er ekki kominn með leikheimild.

Leikurinn byrjaði fjörlega, og á 6. mínútu fengu Þróttarar aukaspyrnu úti á kanti, boltinn barst inn í teig, og eftir smá klafs í teignum fékk Eysteinn boltann og lagði hann snyrtilega í markið. Leikurinn hafði verið jafn á upphafsmínútunum, en Þróttarar nýttu fyrsta alvöru færið sem þeir fengu.