Bakvörðurinn Jón Ragnar Jónsson hefur gengið á ný til liðs við sitt uppeldisfélag, FH í Hafnarfirði. Undanfarin fjögur tímabil hefur hann leikið með Þrótti og vaxið mjög í leik sínum. Hann hefur ávallt lagt sig 100% fyrir Þrótt og þótti ekki einvörðungu sterkur á velli heldur einnig utan hans enda með eindæmum kátur og lífsglaður piltur sem leiðist ekki að hafa fjör í kringum sig. Við Köttarar þökkum honum hans framlag til Þróttar og óskum honum velfarnaðar í fimleikunum.